امت نیوز ڈیسک //
ضلع سرینگر میں باغ مہتاب علاقے کے بعد پولیس نے نوگام میں منگل کے روز ایک اور جسم فروشی اڈے کا پردہ فاش کیا ہے۔
سرینگر پولیس نے ٹویٹ کرتے ہوئے کہا کہ چھانہ پورہ کیس کے تحقیقات کے دوران انہوں نے سرینگر کے نوگام علاقے میں ایک اور جسم فروشی کے اڈے کا پردہ فاش کیا ہے جبکہ اس دوران کئی افراد کی گرفتاری عمل میں لائی گئی ہے۔
پولیس نے کہا ہے کہ اس معاملے میں میاں بیوی سمیت تین افراد کو گرفتار کیا گیا ہے جبکہ معاملے کی نسبت تحقیقات جاری ہے۔
