امت نیوز ڈیسک //
سری نگر: شمالی کشمیر کے بارہمولہ ضلع میں ہفتہ کے روز ایک نوجوان کو تین افراد نے مبینہ طور پر گاڑی کی چابی پیٹ میں گھونپ کر زخمی کردیا۔
ایک اہلکار نے بتایا کہ گلشن آباد بارہمولہ میں تین افراد نے مبینہ طور پر ایک نوجوان کو گاڑی کی چابی گھونپ دی۔
زخمی نوجوان کی شناخت طارق احمد (18) گلشن آباد بارہمولہ کے نام سے ہوئی ہے جس کے بازو پر چوٹیں آئی ہیں اور اسے علاج کے لیے اسپتال منتقل کیا گیا ہے۔
ادھر پولیس نے واقعہ کا نوٹس لیتے ہوئے تین ملزمان کو گرفتار کر لیا ہے جبکہ مزید تفتیش شروع کر دی ہے۔
