امف نیوز ڈیسک//
ضلع اننت ناگ کے مٹن علاقے میں ہفتے کے روز ایک دلدوز سڑک حادثے میں 2 افراد لقمہ اجل بن گئے۔
تفصیلات کے مطابق اننت ناگ مٹن کے ہٹمرہ علاقے میں ایک اسکوٹی اور گاڑی کے درمیان زور دار ٹکر ہوئی جس کے نتیجے میں سکوٹی پر سوار کی موقع پر ہی لقمہ اجل بن گیا جبکہ اسکوٹی پر سوار دوسرا شخص شدید طور پر زخمی ہوا جس کو بعد میں علاج معالجہ کے لئے نزدیکی اسپتال منتقل کردیا گیا جہاں پر وہ زخموں کی تاب نہ لاتے ہوئے دم توڑ گیا۔
پولیس نے حادثے کی تصدیق کرتے ہوئے دونوں افراد کی شناخت فیاض احمد ملک اور ریاض احمد ملک سکونت شمہال اننت ناگ کے بطور کی ہے۔
ادھر جوہنی ان دونوں کی لاشیں ان کے آبائی گاؤں پہنچائیں گئیں تو وہاں پر کہرام مچ گیا اور پُرنم آنکھوں کے ساتھ ان کو سپرد خاک کر دیا گیا۔
ادھر پولیس نے معاملے کی نسبت سے ایک رپورٹ درج کرکے مزید تفتیش شروع کردی گئی ہے۔
