امت نیوز ڈیسک //
راجوری ضلع کے سرحدی علاقے سے تعلق رکھنے والی ایک لڑکی نے UPSC، سینٹرل آرمڈ پیرا ملٹری فورسز (CAPF) امتحان میں کامیابی حاصل کرکے جموں و کشمیر کا نام روشن کیا ہے۔ 20 سالہ لڑکی سمرن نے 82 واں رینک حاصل کیا۔ سمرن کے والد ایک سابق فوجی ہیں اور اب محکمہ تعلیم میں خدمات انجام دے رہے ہیں، ان کا تعلق ضلع کے سرحدی علاقے نوشہرہ سے ہے۔ اس نے اپنی بنیادی تعلیم نوشہرہ اسکول سے دسویں جماعت تک حاصل کی ہے اور گورنمنٹ ڈگری کالج (جی ڈی سی) گاندھی نگر، جموں سے ہیومینٹیز میں گریجویشن کی ہے۔
سمرن نے کہا کہ وہ بغیر کسی کوچنگ کے سیلف اسٹڈیز کی ہے۔ انہوں نے کہا کہ مجھے COVID-19 کے دوران تیاری کے لیے کافی وقت ملا اور یہ میرا آخری سمسٹر تھا جب میں UPSC CAPF امتحان میں شرکت کی تھی۔سمرن نے کہا کہ میں خوش قسمت ہوں کہ میں نے اپنی پہلی کوشش میں امتحان کے لیے کوالیفائی کیا۔ وہ جموں اور کشمیر کے UT سے واحد امیدوار ہیں جنہوں نے UPSC کےCAPF امتحان کوالیفائی کیا ہے۔ تیاری کے دوران اپنی محنت کا ذکر کرتے ہوئے سمرن نے اپنے خاندان اور والدین کے تعاون کو سب سے اہم عنصر قرار دیا جس نے اسے اس مشکل امتحان میں کامیابی حاصل کرنے میں مدد کی۔
سمرن نے بتایا کہ میں ایک ایسے علاقے سے تعلق رکھتی ہوں جو لائن آف کنٹرول کے قریب واقع ہے، جس کی وجہ سے ہم بچپن میں آرمی کے جوانوں اور دیگر فورسز کے جوانوں سے ملتے تھے اور اس سے فورسز میں شامل ہونے کا جذبہ پیدا ہوا۔ انہوں نے جموں و کشمیر کی تمام لڑکیوں سے اپیل کی کہ وہ اپنے مقصد پر توجہ مرکوز کریں۔
