امت نیوز ڈیسک //
سرینگر:کشمیر یونیورسٹی کو حکومت ہند کے شعبہ سائنس اینڈ ٹیکنولوجی کی جانب سے "گتی ایچیور ایوارڈ” کے لیے منتخب کیا گیا ہے۔ جس نے تعلیمی اداروں کے زمرے میں اعلی مقام حاصل کیا ہے۔ 30 اعلی تحقیقی اداروں، قومی اہمیت کے حامل اداروں اور ملک کے تعلیمی اداروں کے لئے برٹش کونسل کے ساتھ شراکت میں جنڈر ایڈوانسمنٹ ان ٹرانسفارمنگ انسٹی ٹیوشن یعنی گتی پروگرام کا آغاز کر رہا ہے۔ ان تمام اداروں کو اگست 2021 میں سخت اسکریننگ کے عمل کے ذریعے اس پروگرام کے لیے منتخب کیا گیا تھا۔ جس کے لیے تقریبا 90 اداروں کو ایکسپریشن آف انٹرسٹ یعنی ای او آئی درخواستیں جمع کرانے کے لئے مدعو کیا گیا تھا۔
پروگرام کے تحت کشمیر یونیورسٹی پروگرام کے کلیدی چارٹر اصولوں کے لیے پُر عزم ہے جو یو کے ایڈوانس بائر ایجوکیشن کے فریم ورک سے متاثر ہے۔ جو تحقیق میں صنفی مساوات کے پروگراموں میں کامیابی کے ساتھ شامل ہو رہا ہے۔ قابل ذکر ہے کہ پروفیسر نیلوفر خان جو کہ کشمیر یونیورسٹی کی پہلی خاتون وائس چانسلر ہیں اس پروگرام کو گہری نگرانی کررہی ہے اور مذکورہ پروگرام کے موجودہ مرحلے کے دوران نافذ کیے جانے والے اہم ایکشن پلان کی منظوری دے چکے ہیں۔ پروفیسر نیلوفر خان نے اس کامیابی پر یونیورسٹی کی گتی ٹیم کو مبارکباد دی۔
