امت نیوز ڈیسک //
سری نگر: جنوبی کشمیر کے اننت ناگ ضلع میں پولیس نے ایک ملزم کو گرفتار کرنے کا دعویٰ کیا ہے جس نے مبینہ طور پر اپنی ہی ماں کو چاقو مارا۔
اطلاعات کے مطابق اننت ناگ کے بٹینگو علاقے میں ایک شخص نے اپنی ماں کو چاقو سے مارا۔ تاہم اطلاع ملنے پر پولیس کی ایک ٹیم موقع پر پہنچ گئی اور ملزم کو فوری طور پر گرفتار کر لیا۔
حکام نے خاتون کی شناخت غلام محی الدین ڈار کی اہلیہ ہاجرہ بیگم کے طور پر کی ہے، جنہیں علاج کے لیے مقامی ہسپتال منتقل کر دیا گیا ہے۔ وہاں سے اسے مزید علاج کے لیے جی ایم سی اننت ناگ ریفر کیا گیا۔
حکام نے مزید بتایا کہ ملزم کی شناخت جاوید احمد ڈار ولد غلام محی الدین ڈار کے نام سے ہوئی ہے۔
اس سلسلے میں مقدمہ درج کر کے مزید تفتیش شروع کر دی گئی ہے۔
