امت نیوز ڈیسک //
بڈگام:وسطی کشمیر کے ضلع بڈگام میں سکیورٹی فورسز اور پولیس نے ایک ہائی برڈ عسکریت پسند اور اس کے ایک معاون کو گرفتار کرنے کا دعوی کیا ہے۔ گرفتار افراد کی شناخت تنویر احمد بٹ اور یاور مقبول گنائی کے بطور ہوئی ہے۔
پولیس کے ایک ترجمان نے بتایا کہ سکیورٹی فورسز نے پکھر پور علاقہ میں ایک ہائی برڈ عسکریت پسند اور اس کے ایک معاون کو گرفتار کیا ہے۔ ہائی برڈ عسکریت پسند کی شناخت تنویر احمد بٹ جبکہ اس کے ساتھی معاون کی شناخت یاور مقبول گنائی ولد محمد مقبول گنائی ساکن کراپورہ چرار شریف کے بطور ہوئی ہے۔پولیس ترجمان کے مطابق ابتدائی تفتیش سے منکشف ہوا ہے کہ گرفتار شدگان کالعدم عسکریت پسند تنظیم ایل ای ٹی/ٹی آر ایف کے بینر تلے پاکھر پورہ علاقے میں کام کر رہے تھے۔ گرفتارشدگان کے قبضے سے ایک پستول، ایک پستول میگزین، 9 راؤنڈز اور دیگر مجرمانہ مواد برآمد ہوا ہے۔ پولیس نے قانون کی متعلقہ دفعات کے تحت پولیس اسٹیشن چرار شریف میں دونوں کے خلاف مقدمہ درج کر کے مزید تفتیش شروع کر دی گئی ہے۔
واضح رہے کہسرینگر پولیس نے گزشتہ روز شہر سے ایک مبینہ عسکریت پسند کو گرفتار کیا ہے گرفتار شدگان کی شناخت محمد یاور کے طور پر ہوئی ہے۔ پولیس نے حراست میں لئے شخص کی تحویل سے ایک ہتھ گولہ بھی بر آمد کرنے کا دعویٰ کیا ہے۔
