(پلوامہ) ضلع پلوامہ کے ہردہ میر ترال علاقے میں فورسز اہلکاروں اور عسکریت پسندوں کے درمیان مختصر تصادم میں دو مقامی عسکریت پسند ہلاک ہوئے ہیں۔ تفصیلات کے مطابق ترال کے ہردومیر علاقے میں عسکریت پسندوں کی موجودگی کی اطلاع موصول ہونے پر فورسز اہلکاروں نے مشترکہ طور پر علاقے کو محاصرے میں لے لیا اور سرچ آپریشن شروع کیا۔ اس دوران عسکریت پسندوں نے فورسز اہلکاروں پر فائرنگ کردی جس کے بعد فورسز اہلکاروں نے جوابی نے کارروائی شروع کی۔ کشمیر زون پولیس کے مطابق تصادم میں دو عسکریت پسند ہلاک ہوئے ہیں۔ مارے گئے عسکریت پسندوں کی شناخت عادل رسول ساکن ڈاڈسرہ اور ندیم احمد بٹ ساکن قویل شکارگاہ کے طور پر ہوئی ہے۔ دونوں عسکریت پسند مقامی تھے۔ مارے گئے عسکریت پسندوں کے قبضے سے دو ایک کے رائفل برآمد کی گئی ہیں۔ پولیس کے مطابق دونوں کا تعلق ممنوعہ تنظیم انصار الغزوۃ الہند کے ساتھ تھا۔
#TralEncounterUpdate:
Killed #terrorists identified as Nadeem Bhat & Rasool @ Adil, an IED expert, affiliated with proscribed terror outfit AuGH. 02 AK rifles recovered. Both were involved in several #terror incidents including IED blast & grenade throwing: IGP Kashmir https://t.co/BaCdKDCmyd— Kashmir Zone Police (@KashmirPolice) December 25, 2021
آخری اطلاعات تک علاقے میں سرچ آپریشن جاری ہے اور غیر مصدقہ اطلاعات کے مطابق جس گھر میں یہ عسکریت پسند چھپے تھے اس کے مالک کو گرفتار بھی کیا گیا ہے تاہم پولیس سے اس کی تصدیق نہیں ہو پائی۔
