امت نیوز ڈیسک //
سرینگر:جموں کشمیر پردیش کانگرس کمیٹی صدر وقار رسول نے کہا کہ بی جے پی نے جموں کشمیر میں ایسی عوام کش پالیسیوں کو لاگو کیا ہے جس سے یہاں کے لوگ غریبی میں مبتلا ہو رہے ہیں۔
سرینگر میں پریس کانفرنس سے خطاب کرتے ہوئے وقار رسول وانی نے کہا دعوی کیا کہ جموں کشمیر ملک میں بے روزگاری کی فہرست میں پہلے نمبر پر ہے،کیونکہ سرکار نے یہاں ملازمت دینے کی پالیسی کو بند کیا ہے۔ انہوں نے کہا کسی بھی سرکاری محکمے میں اگر ملازمین نوکری سے سبکدوش ہو رہے ہیں تو انتظامیہ ان محکموں میں متبادل تعینات نہیں کر رہے ہیں۔انہوں نے کہا کہ سرکار محکموں میں برسوں سے خالی پڑی آسامیوں کو پُر نہیں کر رہی ہے، جس کی وجہ سے یہاں کے تعلیم یافتہ نوجوان بے روزگار ہوئے ہیں۔وقار رسول نے کہا کہ جموں کشمیر میں اسمبلی انتخابات نو سال قبل ہوئے تھے، تاہم سرکار یہاں انتخابات کرانے میں کوتاہی بھرت رہی ہے۔ انہوں نے کہا کہ بلدیاتی اداروں کی پانچ سالہ مدت ختم ہوگئی ہے اور جنوری 2024 میں پنچایتی اداروں کی مدت بھی ختم ہوگی لیکن اس کے باوجود بھی بے جی پی سرکار یہاں الیکشن نہیں کروا رہی ہے، جس سے وجہ سے یہاں کے لوگوں کو سرکاری نظام سے محروم رکھا جارہا ہے۔
واضح رہے کہ جموں کشمیر میں دو مہونسپل کارپوریشنز اور 78 میونسپل کمیٹیز کی پانچ سالہ مدت ختم ہوگئی ہے وہیں جنوری سنہ 2024 میں پنچایتی اداروں کی پانچ سالہ مدت ختم ہوگی، تاہم جموں کشمیر کے چیف الیکٹورل افسر اور سٹیٹ الیکشن کمیشن ان انتخابات کے انعقاد کے متعلق کوئی نوٹس جاری نہیں کی ہے۔
وقار رسول نے جموں کشمیر انتظامیہ کی جانب نے آنے والے دنوں میں "مہا سمپرک ابھیان یاترا” کے انعقاد کی تنقید کرتے ہوئے کہا کہ انتظامیہ اپنی ناکارہ سرکار کو چھپانے کے لئے محض تقریبات منعقد کر رہی ہے جبکہ عوام کے مسائل جوں کے توں پڑے ہے۔
