امت نیوز ڈیسک //
سری نگر، 16 نومبر:جنوبی کشمیر کے کولگام ضلع کے سمنو نہامہ علاقے کے جنگلاتی علاقے میں جمعرات کی سہ پہر جنگجوؤں اور سیکورٹی فورسز کے درمیان جھڑپ شروع ہوگئی۔ ایک اعلیٰ پولیس افسر نے نیوز ایجنسی کشمیر اسکرول کو بتایا کہ پولیس اور فوج کی مشترکہ ٹیم نے سمنو نہامہ میں محاصرے اور تلاشی کی کارروائی شروع کی۔ جیسے ہی فورسز کی مشترکہ ٹیم مشتبہ مقام کے قریب پہنچی تو چھپے ہوئے عسکریت پسندوں نے فورسز پر فائرنگ کردی جس سے فائرنگ کا تبادلہ شروع ہوگیا۔
اس دوران ایک اعلیٰ پولیس افسر نے بھی کشمیر اسکرول کو عسکریت پسندوں اور سیکورٹی فورسز کے درمیان فائرنگ کے تبادلے کی تصدیق کی۔ مزید تفصیلات کا انتظار ہے۔ (کشمیر اسکرول)
