امت نیوز ڈیسک //
سری نگر، یکم دسمبر:جنوبی کشمیر کے پلوامہ ضلع کے آری ہل علاقے میں جمعرات کی رات سیکورٹی فورسز کے ساتھ ایک مسلح تصادم میں لشکر طیبہ سے وابستہ ایک نیا بھرتی ہونےوالا مقامی جنگجو مارا گیا۔
ایک اعلیٰ پولیس افسر نے جی این ایس کو بتایا کہ جھڑپ کے دوران لشکر طیبہ کا ایک مقامی جنگجو کفایت ایوب علی ولد محمد ایوب علی ساکنہ پنجورہ شوپیاں مارا گیا۔
اس کے قبضے سے ایک پستول، دو دستی بم، دو میگزین اور پانچ راؤنڈ برآمد ہوئے۔ افسر نے مزید کہا کہ وہ اس سال 04 اکتوبر کو تنظیم میں شامل ہوا تھا۔ جمعرات کی شام کو آری ہل کے علاقے میں جنگجوؤں اور سیکورٹی فورسز کے درمیان فائرنگ کا تبادلہ ہوا۔(جی این ایس)
