امت نیوز ڈیسک //
سری نگر: سینئر آئی اے ایس افسر اتل ڈولو نے جمعہ کے روز جموں وکشمیر کے نئے چیف سیکرٹری کی حیثیت سے عہدہ سنبھالا اور اس موقع پر یہاں سیول سکریٹریٹ میں موجود افسروں اور دوسرے سیکنڑوں نے ملازمین نے ان کا پرتپاک استقبال کیا۔وہ ارن کمار مہتا کہ جگہ پر بیوروکریسی کے اس اعلیٰ عہدے پر فائز ہوئے مہتا 30 نومبر 2023 کو ملازمت سے سبکدوش ہوئے۔
مرکزی وزارت داخلہ کی طرف سے جاری ایک حکمنامے میں کہا گیا تھا: ‘ارن کمار مہتا آئی اے ایس (اے جی ایم یو ٹی:1988) کی ریٹائر منٹ اور سینٹرل ڈیپوٹیشن سے وطن واپسی کے نتیجے میں اٹل ڈولو آئی اے ایس (اے جی ایم یو ٹی:1988) کوجموں وکشمیر کے چیف سیکریٹری کے طور پر مقرر کیا جاتا ہے’۔
مذکورہ حکمنامے میں مزید کہا گیا تھا کہ وہ (اتل ڈولو) یکم دسمبر 2023 یا چارج سنبھالنے کی تاریخ سے اگلے احکامات تک اس عہدے پر فائز رہیں گے۔
اتل ڈولو کو سال 2017 کے بعد جموں وکشمیر سے تعلق رکھنے والے پہلے افسر ہونے کا اعزاز حاصل ہے جو یونین ٹریٹری میں بیوروکریسی کے اعلیٰ ترین عہدے پر براجمان ہوئے۔
قبل ازیں بی آر شرما سال 2015 ست 2017 تک جموں و کشمیر کے چیف سیکریٹری کے عہدے پر فائز رہے ہیں۔
اتل ڈولو جو خوشگوار انداز میں اپنے منصبی فرائض انجام دینے کے بیوروکریسی میں معروف ہیں،نے قبل ازیں لداخ میں سب ڈویژنل مجسٹریٹ اور جموں وکشمیر میں کم سے کم تین اضلاع میں ضلع مجسٹریٹ کی حیثیت سے اپنی اپنے فرائض انجام دئے ہیں۔
مرکزی سرکار نے سال گذشتہ اتل ڈولو کو بارڈر منیجمنٹ سیکریٹری کے عہدے پر مرکز میں تعینات کیا تھا۔
تاہم مرکزی حکومت کی طرف سے زائد از ایک ہفتہ قبل جاری ایک حکمنامے کے مطابق مرکزی کابینہ کی تقرری کمیٹی نے ان کی جموں وکشمیر میں واپس تعیناتی کو منظوری دی تھی۔
وہ محکمہ صحت و میڈیکل ایجوکیشن کے فائنانشل کمشنر کے عہدے پر فائز رہے ہیں اور محکمہ زراعت کے ایڈیشنل؛ چیف سیکریٹری بھی رہے ہیں۔
اٹل ڈولو کا تعلق جنوبی کشمیر کے ضلع کولگام کے کلم گائوں سے ہے ان والد سری نگر منتقل ہوئے تھے اور بعد میں وہ دہلی منتقل ہو کر وہیں رہائش پذیر ہوئے تھے،۔
ارن کمار مہتا 30 نومبر 2023 کو ملازمت سے سبکدوش ہوئے۔ انہوں نے دو برس قبل بی وی آر سبھرامانیم کی جگہ پر یونین ٹریٹری کے چیف سیکریٹری کے طور پر عہدہ سنبھالا تھا۔
(یو این آئی)
