امت نیوز ڈیسک //
پلوامہ، 2 دسمبر:جنوبی کشمیر کے ضلع پلوامہ کے علاقے لیہار کاکا پورہ کے قریب دریا میں کشتی الٹنے سے ایک نوجوان کی موت ہو گئی۔ مقامی ذرائع نے خبر رساں ایجنسی کو بتایا کہ ہفتہ کی صبح سینکڑوں لوگ دریائے جہلم سے ریت نکالنے میں مصروف تھے۔
اس دوران ایک کشتی اچانک الٹ گئی اور تین افراد دریا میں گر گئے۔ کشتیوں میں موجود دیگر افراد نے تینوں افراد کو دریا سے کھینچ کر باہر نکالا تاہم ان میں سے ایک مردہ پایا گیا۔ متوفی کی شناخت شوکت احمد بٹ ولد مرحوم محمد اکبر بٹ کے طور پر ہوئی ہے۔
پولیس نے واقعہ کا نوٹس لیتے ہوئے قانون کی متعلقہ دفعات کے تحت مقدمہ درج کر لیا ہے۔
