امت نیوز ڈیسک //
سری نگر، 31 دسمبر : مرکز نے اتوار کو تحریک حریت، جموں و کشمیر پر یو اے پی اے کے تحت 5 سال کی مدت کے لیے پابندی لگا دی۔
ایکس پر ایک پوسٹ میں، وزیر داخلہ امیت شاہ نے نیوز ایجنسی – کشمیر نیوز آبزرور (کے این او) کے مطابق کہا کہ یہ تنظیم جموں و کشمیر کو ہندوستان سے الگ کرنے اور اسلامی حکومت قائم کرنے کے لیے ممنوعہ سرگرمیوں میں ملوث ہے۔
انہوں نے کہا کہ یہ گروپ جموں و کشمیر میں علیحدگی پسندی کو ہوا دینے کے لیے بھارت مخالف پروپیگنڈہ اور ملی ٹینسی کی سرگرمیاں جاری رکھے ہوئے پایا جاتا ہے۔
انہوں نے کہا کہ وزیر اعظم مودی کی ملی ٹینسی کے خلاف زیرو ٹالرنس کی پالیسی کے تحت، کسی بھی فرد یا تنظیم کو بھارت مخالف سرگرمیوں میں ملوث پایا گیا تو بخشا نہیں جائے گا۔
واضح رہے کچھ روز قبل اسی طرح مسلم لیگ جموں کشمیر کو بھی یو اے پی اے کے تحت غیر قانونی قرار دے دیا گیا۔
