امت نیوز ڈیسک //
شمالی کشمیر کے ضلع کپواڑہ کے قدیم بس اڈے کی ڈار گلی میں جمعرات کی علی الصبح آگ کی ایک بھیانک واقعے میں ایک رہائشی مکان اور کم سے کم دو درجن دکان خاکستر ہوگئے۔
سرکاری ذرائع نے بتایا کہ کپواڑہ کے قدیم بس اڈے میں جمعرات کی علی الصبح آگ نمودار ہوئی جس کے نتیجے میں ایک رہائشی مکان اور کم سے کم دو درجن دکان خاکستر ہوگئے۔انہوں نے کہا کہ فائر اینڈ ایمرجنسی محکمے کی گاڑیاں اور عملہ موقع پر پہنچا اور آگ کو قابو میں کر لیا۔ان کا کہنا تھا کہ آگ کی وجہ سے لاکھوں روپیے مالیت کا نقصان ہوا ہے۔
دریں اثنا حکام نے جائے واردات پر پہنچ کر نقصان کا جائزہ لیا۔حکام کا کہنا ہے کہ آگ لگنے کی وجوہات معلوم کی جا رہی ہیں ،تاہم اس واردات میں کسی جانی نقصان کی کوئی اطلاع نہیں ہے۔
واضح رہے سرکاری اعداد و شمار کے مطابق جموں وکشمیر میں سال 2023 کے ماہ جنوی سے ماہ نومبر تک آتشزدگی کے زائد از 22 سو واقعات پیش آئے جس دوران 1462 ڈھانچوں کا نقصان پہنچا جبکہ 9 جانیں بھی تلف ہوئیں اور اس دوران 36 جنگلوں میں بھی آگ لگ گئی۔
(یو این آئی)
