امت نیوز ڈیسک //
متحدہ مجلس علما نے تمام مساجد کے اماموں، علمائے کرام، مذہبی اداروں کے سربراہان اور عوام الناس سے اپیل کی ہے کہ وہ جمعہ کے روز ”نماز استسقاہ“ کا اہتمام کریں اور بارش اور خشک موسم سے نجات کے لیے اللہ تعالیٰ سے انفرادی اور اجتماعی طور پر دعا کریں۔
اس سلسلے جمعہ12 جنوری2024 کو جامع مسجد سری نگر میں نماز جمعہ کے بعد نماز استسقاءکا انعقاد کیا جائے گا۔
واضح رہے وادی میں دسمبر کا موسم خشک نکل گیا جبکہ چلہ کلاں کے پہلے 20 روز بھی خشک چلے گئے ہیں جس سے وادی کی زراعت پر منفی اثرات پڑنے کا خطرہ بڑھ گیا ہے۔
