امت نیوز ڈیسک //
سرینگر:امسال کشمیر میں موسم سرما مکمل طور سے خشک رہا ہے جس سے یہاں کے آبی ذخائر، جنگلات اور سیاحتی مقامات متاثر ہو رہے ہیں۔ ماحولیاتی ماہرین کے مطابق کشمیر کا موسم گلوبل وارمنگ اور موسمی تبدیلی کی زد میں آیا ہے جس سے موسم سرما کے بادشاہ چلا کلاں میں برفباری نایاب ہوئی۔
ماضی میں کئی بار کشمیر میں سرما کے دوران موس خشک رہا ہے۔ محکمہ موسمات کے مطابق بحر اوقیانوس کے سطح پر ‘ال نینو’ یعنی گرم لہروں کا اثر برقرار ہے، جس کے باعث کشمیر میں خشک موسم دیکھا جارہا ہے۔ خشک موسم سے وادی کے آبی ذخائر مکمل سوکھ چکے ہیں اور جنگلات میں آئے روز آتشزدگی کے واقعات رونما ہوئے ہے۔محکمہ جنگلات کے مطابق خشک موسم کے وجہ سے جنگلات آتشزدگی کے واقعات میں رونما ہوئے ہیں۔
سرما کی برفباری سے کشمیر کے پہاڑوں پر گلیشیئر چارج ہوتے ہیں، جس سے یہاں کے آبی ذخائر سیر آب ہوتے ہیں۔برفباری شعبہ سیاحت کے لئے بھی منافع بخش ہے، لیکن اس شعبہ سے روزگار کمانے والے افراد اب مایوس ہیں۔ ماحولیاتی کارکنان کا ماننا ہے جموں کشمیر انتظامیہ کو موسمی تبدیلی کے متعلق لائحہ عمل مرتب کرنے کی ضرورت ہے اور ایسے اقدامات اٹھانے چاہیے، جس سے اس تبدیلی کے منفی اثرات کو کم کیا جاسکے۔
اعداد و شمار کے مطابق وادی کشمیر میں اس سے قبل 1981، 1988 اور 2005 میں بھی موسم خشک رہا، تاہم اس دوران آبائی ذخائر خشک نہیں ہوئے تھے اور نہ ہی دریائے جہلم کی سطح آب میں زیادہ کمی ہوئی تھی۔
