امت نیوز ڈیسک //
آج گیان واپی معاملے کی سماعت کرتے ہوئے الہ آباد ہائی کورٹ نے انجمن انتظامیہ کمیٹی کی وارانسی عدالت کے فیصلے کو چیلنج کرنے والی درخواست پر روک لگانے سے انکار کر دیا ہے۔ عدالت نے اس معاملے کی سماعت ۶؍ فروری تک کیلئے ملتوی کی ہے۔ ضلعی عدالت کے فیصلے کے بعد جمعہ کی نماز کے پیش نظر وارانسی میں مسلم اکثریتی علاقے آج بند تھے۔
آج الہ آباد ہائی کورٹ نے انجمن انتظامیہ مسجد کمیٹی کی وارانسی ضلعی عدالت کے فیصلے کو چیلنج کرنے والی درخواست پر عبوری روک لگانے سے انکار کر دیا ہے۔ خیال رہے کہ مسجد کمیٹی نے عدالت کے مسجد کے تہہ خانے میں پوجا کے فیصلے کو چیلنج کیا تھا۔بدھ کو فیصلہ سناتے ہوئے وارانسی ضلعی عدالت نے ہندو فریق کو مسجد کے تہہ خانے میں پوجا کی اجازت دی تھی جس کے بعد ہندو فریق نے عدالت کے فیصلے پر فوری ردعمل کا اظہار کرتے ہوئے بدھ کی رات ہی مسجد کے تہہ خانے میں پوجا کی تھی۔ گیان واپی مسجد کا تہہ خانہ ویاس جی تہہ خانے کے نام سے جانا جاتا ہے۔
الہ آباد ہائی کورٹ نے آج سماعت کرتے ہوئے انجمن انتظامیہ مسجد کمیٹی (اے آئی ایم سی ) ، جس نے ضلعی عدالت کے فیصلے کو چیلنج کیا تھا،کیلئے سماعت کو ۶؍فروری تک ملتوی کیا ہے تا کہ وہ۱۷؍ جنوری کے حکم کو چیلنج کرنے کیلئے اپنی درخواستوں میں ترمیم کرے جس کے نتیجے میں۳۱؍ جنوری کے حکم کو منظور کیا گیا تھا۔ہائی کورٹ کے وکیل جسٹس روہت رنجن اگروال نے یہ فیصلہ سنایا ہے۔
وارانسی میں مسلم اکثریتی علاقے بند تھے
ضلعی عدالت کے فیصلے کے بعد آج جمعہ کی نماز کو مد نظر رکھتے ہوئے پورے وارانسی میںمسلم اکثریتی علاقے بند تھے اور پولیس کا بھاری بندوبست تھا۔انجمن انتظامیہ نے ایک خط جاری کیا تھا جس میں اس نے اپیل کی تھی کہ بازاروں کو بند رکھا جائےاور لوگ پر امن طریقے سے نماز ادا کریں۔ کمیٹی نے مسلمان خواتین سے گھر ہی میں رہنے کی درخواست کی تھی۔
