امت نیوز ڈیسک //
شوپیاں، 17 مئی: جنوبی کشمیر کے شوپیان ضلع میں جمعہ کو ایک 26 سالہ شخص اپنے پرانے مکان کو گرانے کے دوران کنکریٹ کی سیڑھی کے نیچے آکر ہلاک ہوگیا۔
ایک اہلکار نے نیوز ایجنسی کشمیر اسکرول کو بتایا کہ متوفی کی شناخت عاقب لون ولد اعزاز احمد لون ساکنہ کنی پورہ علی پورہ کے طور پر ہوئی ہے۔ وہ اپنے پرانے مکان کو گراتے وقت کنکریٹ کی سیڑھی کے نیچے آکر شدید زخمی ہوگیا۔ عاقب لون کو فوری طور پر قریبی اسپتال لے جایا گیا، جہاں پہنچنے پر ڈاکٹروں نے اسے مردہ قرار دے دیا۔
ادھر پولیس نے اس واقعہ کا نوٹس لے لیا ہے۔ (کشمیر اسکرول )
