امت نیوز ڈیسک //
سری نگر، 18 مئی:ایک اور عسکریت پسندوں کے حملے میں، ایک سابق سرپنچ کو جنگجوؤں نے ہفتہ کی شام جنوبی کشمیر کے شوپیاں ضلع کے ہیرپورہ علاقے میں گولی مار کر ہلاک کر دیا۔
ایک اعلیٰ پولیس افسر نے جی این ایس کو بتایا کہ آج شام عسکریت پسندوں نے سابق سرپنچ، اعجاز احمد شیخ پر قریب سے فائرنگ کی۔ اسے فوری طور پر طبی امداد کے لیے قریبی اسپتال منتقل کیا گیا جہاں وہ زخموں کی تاب نہ لاتے ہوئے چل بسا۔
اس دوران حملہ آوروں کو پکڑنے کے لیے پورے علاقے کو گھیرے میں لے لیا گیا ہے۔(جی این ایس)
