امت نیوز ڈیسک //
گاندربل:مرکز کے زیر انتظام یوٹی جموں و کشمیر کے ضلع گاندربل کے وتہ لار علاقے میں ہوئے سڑک حادثے میں 25 برس کے ایک نوجوان کی موت ہوگئی جبکہ دئگر افراد زخمی ہوگئے۔ پولیس ذرائع کے مطابق گزشتہ روز جمعرات کی دیر شام وتہ لار علاقے میں واقع میٹرنٹی ہسپتال کے قریب حادثہ اس وقت پیش آیا جب ایک پلسر زیر رجسٹریشن نمبر JK05M-4769 سڑک سے پھسل کر قریبی آبپاشی کی نہر میں گر گئی۔ اس کے نتیجے میں دو افراد شدید طور پر زخمی ہوگئے اور ایک لاپتہ ہوگیا۔
انہوں نے بتایا کہ واقعے کی اطلاع ملنے کے فوراً بعد مقامی تھانے کی پولیس، ایس ڈی آر ایف، آرمی اور مقامی لوگوں نے مشترکہ طور پر بچاؤ کارروائی شروع کردی۔اس میں جمعہ کی صبح لاپتہ نوجوان کی لاش برآمد ہوئی۔
حکام نے بتایاکہ متوفی نوجوان کی شناخت 25 سالہ عادل منظور شاہ ولد منظور شاہ ساکن پالپورہ پٹن ضلع بارہمولہ کے بطور ہوئی ہےجبکہ زخمیوں کی شناخت 20 سالہ مفصل ریشی ولد محمد اسد اللہ ریشی اور 22سالہ ناصر نبی بٹ ولد غلام نبی بٹ ساکنان نپالپورہ پٹن بارہمولہ کے نام سے ہوئی ہے۔ ادھر معاملے کی نسبت پولیس اسٹیشن لار گاندربل میں مقدمہ درج کر کے مزید تفتیش شروع کر دی۔
