امت نیوز ڈیسک //
سری نگر، 26 جون: ڈوڈہ ضلع کے گندوہ علاقے میں بدھ کو سیکورٹی فورسز اور ملی ٹینٹوں کے درمیان جاری تصادم میں ایک ملی ٹینٹ مارا گیا ہے۔
ایک اعلیٰ پولیس افسر نے سری نگر کی خبر رساں ایجنسی کشمیر اسکرول کو بتایا کہ گندوہ میں سیکورٹی فورسز کے ہاتھوں ایک ملی ٹینٹ مارا گیا ہے، جس کی شناخت کا ابھی تک پتہ نہیں چل سکا ہے۔
انہوں نے کہا کہ اس سے قبل مخصوص ان پٹ پر سرچ آپریشن شروع کیا گیا تھا اور جب فورسز کی مشترکہ ٹیم نے مشتبہ مقام کی تلاش میں تیزی لائی تو چھپے ہوئے ملی ٹینٹوں نے فورسز پر فائرنگ کردی جس کے بعد مسلح تصادم شروع ہوگیا۔
ایک اعلیٰ پولیس افسر نے کشمیر اسکرول کو جاری تصادم میں ایک ملی ٹینٹ کے مارے جانے کی تصدیق کی ہے۔(کشمیر اسکرول )
