امت نیوز ڈیسک :
جموں، 26 جون : ڈوڈہ ضلع کے گندوہ کے سینو علاقے میں بدھ کو ایک مسلح تصادم میں تین نامعلوم جنگجو مارے گئے۔
ایک سینئر پولیس افسر نے جی این ایس کو بتایا کہ اب تک تین عسکریت پسند مارے جا چکے ہیں جبکہ علاقے میں تلاشی مہم جاری ہے۔ آپریشن ختم ہونے کے بعد ہی عسکریت پسندوں کی شناخت کا پتہ چل سکے گا۔
ان کے قبضے سے امریکی ساختہ M4 رائفل سمیت اسلحہ اور گولہ بارود بھی برآمد ہوا ہے۔
قبل ازیں پولیس اور سیکورٹی فورسز کی مشترکہ ٹیم نے ایک خاص اطلاع پر سینو کے علاقے میں محاصرے اور تلاشی کی کارروائی شروع کی۔
جیسے ہی مشترکہ ٹیم مشتبہ علاقے کے قریب پہنچی، چھپے ہوئے عسکریت پسندوں نے مشترکہ پارٹی پر فائرنگ کردی، جس کے نتیجے میں انکاؤنٹر شروع ہوگیا۔(جی این ایس)
