امت نیوز ڈیسک //
سری نگر: شری امرناتھ جی یاترا کا سلسلہ انتہائی جوش و خورش سے جاری رہتے ہوئے جموں کے بھگوتی نگر بیس کیمپ سے پیر کی صبح سخت سیکورٹی بندوبست کے بیچ قریب 5 ہزار یاتریوں کا ایک اور قافلہ پوتر گھپا کے درشن کے لئے کشمیر روانہ ہوا۔
سرکاری ذرائع نے بتایا کہ بھگوتی نگر بیس کیمپ سے پیر کی صبح سخت سیکورٹی بند وبست کے بیچ 4 ہزار 8 سو 75 یاتریوں کا ایک اور قافلہ 162 چھوٹی بڑی گاڑیوں میں جنوبی کشمیر کے ضلع اننت ناگ میں واقع ننون پہلگام بیس کیمپ اور وسطی کشمیر کے ضلع گاندربل میں واقع بالتل بیس کیمپ کے لئے روانہ ہوا۔
انہوں نے کہا کہ ان میں سے 2 ہزار 9 سو 57 یاتریو جن میں 2 ہزار 3 سو 28 مرد، 5سو 61 خواتین اور 4 بچے، 57 سادھو اور 7 سادھویں شامل تھیں، 94 گاڑیوں میں ننون پہلگام بیس کیمپ جبکہ 1 ہزار 9 سو 18 یاتری جن میں 1 ہزار 1 سو 36 مرد، 7سو 72 خواتین اور 4 بچے شامل تھے، بالتل بیس کیمپ کے لئے روانہ ہوئے۔یاد رہے کہ جموں وکشمیر کے لیفٹیننٹ گورنر منوج سنہا نے 28 جون کی صبح 4 ہزار 6 سو 3 یاتریوں کے پہلے جتھے کو جموں کے بھگوتی نگر بیس کیمپ سے کشمیر کے لئے روانہ کیا تھا۔وادی میں انتظامیہ، سول سوسائٹی تنظمیوں، تجارتی یونیوں اور عام لوگوں نے یاتریوں کا پرتپاک استقبال کیا۔
یاترا کو تحفظ کو یقینی بنانے کے لئے تمام تر انتطامات کئے گئے ہیں۔ جہاں یاتریوں کو تمام سہولیات و خدمات بہم پہنچانے کے لئے بہترین انتظامات کئے گئے ہیں وہیں سیکورٹی کا بھی فقید المثال بند وبست کیا گیا ہے۔ پولیس ذرائع کے مطابق یاترا روٹوں پر قریب 800 سی سی ٹی وی کیمرے نصب کئے گئے ہیں۔علاوہ ازیں سیکورٹی فورسز کی 500 اضافی کمپنیاں تعینات کی گئیں ہیں۔ ہر کمپنی کم از کم ایک سو اہلکاروں پر مشتمل ہے۔52 دنوں پر محیط یہ یاترا 19 اگست کو رکشا بندھن کے موقع پر اختتام پذیر ہوگی۔
