امت نیوز ڈیسک //
سری نگر: نیشنل کانفرنس کے رہنما عمر عبداللہ نے بدھ کے روز کہا کہ مرکز کو اسمبلی انتخابات سے پہلے جموں و کشمیر کو ریاست کا درجہ بحال کرنا چاہئے کیونکہ مرکز کے زیر انتظام علاقہ ملی ٹینسی سے نمٹنے سمیت تمام محاذوں پر ناکام ہوچکا ہے۔
انہوں نے کہا کہ”ہم امید کریں گے کہ انتخابات سے پہلے جموں و کشمیر میں ریاست کا درجہ بحال ہو جائے گا کیونکہ یوٹی ناکام ہو چکا ہے… یہ جموں میں ناکام رہا ہے، یہ عسکریت پسندی کے خلاف ناکام رہا ہے، یہ ترقی میں ناکام رہا ہے۔ یہ ہر پہلو سے ناکام رہا ہے،‘‘۔
ایک سوال کے جواب میں، سابق وزیر اعلیٰ، جو کہ محرم کے جلوس میں شرکت کے لیے زڈی بل میں تھے، نے کہا کہ مرکز کے زیر انتظام علاقہ ہونے کا خطرہ یہ ہے کہ طاقت عوام کے پاس نہ ہو۔
