امت نیوز ڈیسک //
جموں، 18 جولائی: جموں و کشمیر کے ڈوڈہ ضلع کے ایک جنگلاتی گاؤں میں جمعرات کو علی الصبح سیکورٹی فورسز اور ملی ٹینٹوں کے درمیان ایک تازہ گولی باری شروع ہوئی، حکام نے بتایا۔
عہدیداروں نے بتایا کہ تصادم کاسٹی گڑھ علاقہ کے جدن باٹہ گاؤں میں صبح 2 بجے کے قریب اس وقت شروع ہوا جب ملی ٹینٹوں نے سرچ آپریشن کرنے والی پارٹیوں پر فائرنگ کی۔
انہوں نے بتایا کہ آخری اطلاعات موصول ہونے تک فریقین کے درمیان فائرنگ کا تبادلہ جاری تھا۔
واضح رہے کہ پیر اور منگل کی درمیانی رات کو ملی ٹینٹوں کے ہاتھوں ایک کیپٹن سمیت چار فوجی اہلکاروں کی ہلاکت کے بعد ڈیسا اور ملحقہ جنگلاتی علاقوں میں بڑے پیمانے پر تلاشی مہم شروع کی گئی۔
