امت نیوز ڈیسک //
سری نگر، 17 جولائی :- ڈائریکٹوریٹ آف اسکول ایجوکیشن کشمیر (ڈی ایس ای کے) نے واضح کیا ہے کہ کشمیر ڈویژن میں اسکولوں کے لیے موسم گرما کی تعطیلات میں کوئی توسیع نہیں کی جائے گی۔
ڈائریکٹر اسکول ایجوکیشن کشمیر کے ایک اہلکار نے نیوز ایجنسی کشمیر اسکرول کو بتایا کہ عوام اور اسکول کی کمیونٹی کو کسی بھی طرح کی افواہوں پر توجہ نہیں دینی چاہیے۔
محکمہ نے اس بات پر زور دیا کہ تمام اسکول کل سے دوبارہ کھلیں گے اور اس کے برعکس کوئی بھی اطلاع بے بنیاد ہے۔
ڈائریکٹر اسکول کے اہلکار نے والدین، طلباء اور عملے کو یقین دلایا کہ وہ کل سے تعلیمی سرگرمیاں دوبارہ شروع کرنے کی تیاری کریں۔
