امت نیوز ڈیسک //
نئی دہلی: الیکشن کمیشن آف انڈیا نے جموں کشمیر میں انتخابی نتائج کی تاریخ کو بدل دیا ہے۔ اب جموں کشمیر اسمبلی کے نتائج 8 اکتوبر کو آئیں گے۔ پہلے کے شیڈول کے مطابق نتائج کا اعلان 4 اکتوبر کو کیا جانا تھا۔ ہریانہ میں انتخابات کی تاریخ کو بدلا گیا ہے اب یہاں یکم اکتوبر کے بجائے 5 اکتوبر کو ووٹ ڈالے جائیں گے۔ ہریانہ کے بھی انتخابی نتائج 8 اکتوبر کو سامنے آئیں گے۔
الیکشن کمیشن کے مطابق یہ فیصلہ ووٹنگ کے حقوق اور بشنوئی برادری کی روایات دونوں کے احترام کے لیے لیا گیا ہے، جس نے اپنے گرو جمبیشور کی یاد میں آسوج اماواسیہ تہوار کی تقریب میں شرکت کے صدیوں پرانے رواج کو برقرار رکھا ہے۔
