امت نیوز ڈیسک //
سری نگر، 12 نومبر: سری نگر کے ٹی آر سی علاقے میں حال ہی میں گرینیڈ حملے میں زخمی ہونے والی ایک خاتون زخموں کی تاب نہ لاتے ہوئے چل بسی۔
سرکاری زرائع نے بتایا کہ سنڈے مارکیٹ کے گرینیڈ حملے میں زخمی ہونے والی خاتون، جس کی شناخت ثمیہ جان زوجہ زبیر احمد لون ساکن نائدکھائی سوناواری کے طور پر ہوئی ہے،آج صبح ایس ایم ایچ ایس اسپتال میں زخموں کی تاب نہ لاتے ہوئے چل بسی۔
ان کا کہنا تھا کہ اس واقعے میں 12 دیگر زخمی ہوئے ہیں اور ان میں سے اکثر صحت یاب ہو چکے ہیں۔
دریں اثناء پولیس نے حملے کا معاملہ حل کرنے کا دعویٰ کرتے ہوئے 8 نومبر کو تین افراد گرفتار کرنے کا دعویٰ کیا۔
