امت نیوز ڈیسک //
سری نگر:منشیات فروشوں کے خلاف جنگ کو جاری رکھتے ہوئے اننت ناگ پولیس نے بدنام زمانہ منشیات فروشوں کی غیر منقولہ جائیداد کو قرق کر دیا۔
پولیس ترجمان نے بتایا کہ اننت ناگ پولیس نے بد نام زمانہ منشیات فروش افروز احمد بٹ ولد غلام حسن ساکن اعظم خان محلہ کہری بل کا 80لاکھ روپیہ مالیت کا رہائشی مکان ضبط کیا ہے۔
انہوں نے کہاکہ یہ کارروائی این ڈی پی ایس ایکٹ 1985 کے متعلقہ دفعات کے تحت انجام دی گئی۔
موصوف ترجمان کے مطابق سریگفوارہ پولیس نے بھی منشیات فروش پیر آصف احمد شاہ اور پیر توصیف احمد شاہ پسران عبدالرشید شاہ ساکنان کے کلان سریگفوارہ کے 70لاکھ روپیہ مالیت کے تین دکانوں کو قرق کیا۔
بیان میں کہا گیا کہ اننت ناگ پولیس کی طرف سے تحقیقات کے دوران جائیدادوں کی شناخت غیر قانونی طور حاصل شدہ جائیداد کے طور پر ہوئی ہے۔
قابل ذکر ہے کہ پولیس نے سال رواں میں وادی کشمیر کے مختلف اضلاع میں این ڈی پی ایس ایکٹ کے تحت کئی منشیات فروشوں کی پراپرٹی کو اٹیچ کیا ہے۔
