امت نیوز ڈیسک //
سری نگر، 24 نومبر: ہندواڑہ میں پولیس نے سیکورٹی فورسز کے ساتھ مل کر مغل پورہ کریمہورا کے جنگلاتی علاقے میں ملی ٹینٹوں کے ایک ٹھکانے کا پردہ فاش کیا اور گولہ بارود اور دھماکہ خیز مواد برآمد کیا۔
ایک مخصوص ان پٹ پر عمل کرتے ہوئے، پولیس نے فوج اور سی آر پی ایف کیساتھ مل کر پولیس پوسٹ زچلڈارہ کے دائرہ اختیار میں آنے والے مغل پورہ کریمہورا کے جنگلاتی علاقے میں ایک پیچیدہ کومبنگ آپریشن شروع کیا۔ آپریشن کے دوران ملی ٹینٹوں کے ایک ٹھکانے کا پتہ چلا، اور جائے وقوعہ سے 10 دستی بموں سمیت دھماکہ خیز مواد اور گولہ بارود کا ایک اہم ذخیرہ برآمد ہوا۔
پولیس نے ایک بیان میں کہا کہ برآمد شدہ دھماکہ خیز مواد کو مزید تفتیش اور قانونی کارروائی کے لیے بحفاظت قبضے میں لے لیا گیا ہے۔
