اہم خبرتازہ ترینکشمیر
Less than 1 min.Read
کشمیر میں ٹھٹھرتی سردیوں کا راج بر قرار، اگلے 24 گھنٹوں کے دوران برف و باراں کا امکان
ایشین میل
By
ایشین میل
دسمبر 11, 2024
سری نگر: وادی کشمیر میں ٹھٹھرتی سردیوں کے بیچ اگلے چوبیس گھنٹوں کے دوران برف باراں کا امکان ہے۔
ماہر موسمیات فیضان عارف کے مطابق تازہ مغربی ہوا کے داخل ہونے کی صورت میں وادی کشمیر کے پہاڑی

علاقوں خاص کر گاندربل اور بانڈی پورہ کے بالائی علاقوں میں11 دسمر کو برف باری کا امکان ہے۔
انہوں نے کہا کہ موسم شدت اختیار کر سکتا ہے جس کے نتیجے میں کچھ میدانی علاقوں میں بھی 11 دسمبر کی

شام سے 12 دسمبر کی صبح تک ہلکی برف باری ہوسکتی ہے۔
ان کا کہنا ہے کہ کچھ میدانی علاقوں میں برف باری کے 40 فیصد امکانات ہیں۔

موصوف ماہر موسمیات نے کہا کہ کرگل میں اگلے 36 گھنٹوں کے دوران درمیانی درجے کی برف باری ہوسکتی ہے۔
انہوں نے کہا کہ وادی میں 12 دسمبر کی دوپہر سے موسم میں بہتری واقع ہوسکتی ہے اور بعد ازاں اگلے دس

دنوں کے دوران موسم مجموعی طور پر خشک رہنے کا امکان ہے۔

دریں اثنا وادی میں شبانہ درجہ حرارت میں بہتری واقع ہونے کے باوجود ٹھٹھرتی سردیوں کا زور جاری ہے۔
گرمائی دارلحکومت سری نگر میں کم سے کم درجہ حرارت منفی3.0 ڈگری سینٹی گریڈ ریکارڈ کیا گیا جہاں گذشتہ

شب کا درجہ حرارت منفی5.4 ڈگری سینٹی گریڈ ریکارڈ ہوا تھا۔
وادی کے شہرہ آفاق سیاحتی مقام گلمرگ میں کم سے کم درجہ حرارت منفی 6.0 ڈگری سینٹی گریڈ جبکہ وادی کے دوسرے مشہور سیاحتی مقام پہلگام میں کم سے کم درجہ حرارت منفی1.8 ڈگری سینٹی گریڈ ریکارڈ کیا گیا جہاں

گذشتہ شب کا درجہ حرارت منفی9.7 ڈگری سینٹی گریڈ ریکارڈ ہوا تھا۔
سرحدی ضلع کپوارہ میں کم سے کم درجہ حرارت منفی4.5 ڈگری سینٹی گریڈ ریکارڈ کیا گیا جہاں گذشتہ شب بھی یہی درجہ حرارت ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی4.4 ڈگری سینٹی گریڈ

ریکارڈ کیا گیا جہاں گذشتہ شب کا درجہ حرارت منفی 6.4 ڈگری سینٹی گریڈ ریکارڈ ہوا تھا۔

وسطی کشمیر میں واقع سیاحتی مقام سونہ مرگ میں کم سے کم درجہ حرارت منفی8.4 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی9.7 ڈگری سینٹی گریڈ ریکارڈ ہوا تھا جبکہ زوجیلا پر کم سے

کم دجرجہ حرارت منفی22.0 ڈگری سینٹی گریڈ ریکارڈ ہوا ہے۔
جنوبی کشمیر کے شوپیاں، اننت ناگ، کولگام اور پلوامہ اضلاع میں کم سے کم درجہ حرارت بالترتیب منفی6.8 ڈگری سینٹی گریڈ، منفی5.1 ڈگری سینٹی گریڈ، منفی4.2 ڈگری سینٹی گریڈ اور منفی5.6 ڈگری سینٹی گریڈ
ریکارڈ ہوا ہے۔

شمالی کشمیر کے بارہمولہ اور بانڈی پورہ اضلاع میں کم سے کم درجہ حرارت بالترتیب منفی2.0 ڈگری سینٹی گریڈ اور منفی 1.2 ڈگری سینٹی گریڈ ریکارڈ ہوا ہے۔وسطی کشمیر کے بڈگام اور گاندربل اضلاع میں کم سے کم درجہ حرارت بالترتیب منفی3.6 ڈگری9 سینٹی گریڈ اور منفی1.2 ڈگری سینٹی گریڈ ریکارڈ ہوا ہے۔

لداخ یونین ٹریٹری کے ضلع لیہہ میں کم سے کم درجہ حرارت منفی10.0 ڈگری سینٹی گریڈ جبکہ ضلع کرگل میں کم سے کم درجہ حرارت منفی5.9 ڈگری سینٹی گریڈ ریکارڈ ہوا ہے۔

محکمہ موسمیات کے ایک ترجمان کے مطابق وادی میں 18 دسمبر تک موسم میں کسی بڑے پیمانے کی تبدیلی کاکوئی امکان نہیں ہے۔
انہوں نے کہا کہ وادی میں 11 دسمبر تک موسم خشک رہنے کی توقع ہے جبکہ 12 دسمبر کو مطلع ابر آلود رہنے

کے ساتھ پہاڑی علاقوں میں کہیں کہیں ہلکی برف باری متوقع ہے۔
ان کا کہنا ہے کہ بعد ازاں وادی میں 13 دسمبر سے 18 دسمبر تک موسم مجموعی طور پر خشک رہ سکتا ہے۔

محکمے کے ایک ترجمان نے کہا کہ وادی میں اگلے ایک ہفتے کے دوران خشک اور سرد موسمی حالات جاری رہ سکتےہیں۔

انہوں نے کہا کہ اہم گزرگاہوں اور اونچی جگہوں کی سڑکوں پر درجہ حرارت نقطہ انجماد سے نیچے درج ہونے اور برفانی حالات کے پیش نظر، سیاحوں/ مسافروں کو انتظامیہ کی طرف سے جاری ٹریفک ایڈوائزری پر عمل کرنے کامشورہ دیا جاتا ہے