امت نیوز ڈیسک //
شمالی کشمیر کے بانڈی پورہ کے نادیہل علاقے میں ہفتہ کی شام ایک ملی ٹینٹ معاون کو اسلحہ اور گولہ بارود کے ساتھ گرفتار کیا گیا۔
سرکاری ذرائع نے جی این ایس کو بتایا کہ نادیہل میں آج شام پولیس اور فوج کے 14 آر آر کے مشترکہ ناکے کے دوران ایک شخص کو مشکوک انداز میں حرکت کرتے ہوئے دیکھا گیا، جب اسے چیلنج کیا گیا تو اس نے بھاگنے کی کوشش کی۔ تاہم سیکورٹی فورسز نے حکمت عملی کے ساتھ ملی ٹینٹ معاون کو پکڑ لیا۔ اس کی شناخت شعیب وسیم احمد ملک ولد عبدالغنی ملک ساکن گنڈ پورہ رام پورہ، بانڈی پورہ کے طور پر کی گئی ہے۔
اس کے قبضے سے ایک پستول، ایک دستی بم اور 15 راؤنڈ برآمد ہوئے۔(جی این ایس )
