امت نیوز ڈیسک //
دن بھر موسم ابر آلود اور ٹھنڈی ہوائیں چلنے کے بیچ وادی کشمیر میں شدید سردی کی لہر جاری ہے۔ اسی دوران ایک بار پھر شوپیان وادی کشمیر میں سرد ترین علاقہ درج ہوا جبکہ سرینگر میں شبانہ درجہ حرارت منفی 3.6 ڈگری سینٹی گریڈ پر رہا ۔
ادھر محکمہ موسمیات نے آئندہ 24گھنٹوں کے دوران ہلکی برفباری اور بارشوں کی پیشگوئی کی ہے ۔صبح کے اوقات گہری دھند سے معمول کی زندگی میں خلل واقع ہو گیا ہے ۔اسی دوران جموں میں بارشوں کے بعد سردی کی لہر سے لوگوں نے راحت کی سانس لی ۔ سی این آئی کے مطابق وادی کشمیر اور صوبائی علاقے لہہ اور کرگل میں چلہ کلان سے قبل ہی سردی کی شدید لہر نے پوری وادی کو اپنی لپیٹ میں لیا ہے اور یخ بستہ ہواﺅں کی وجہ سے شدید سردی کی لہر جاری ہے ۔ محکمہ موسمےات کے حکام نے اس کی تصدےق کرتے ہوئے بتایا کہ چلہ کلان میں شدید ٹھنڈ سے وادی کے بیشتر علاقوں میں پانی کے نل گئے ہیں جبکہ ندی نالوں اور جھیل ڈل کا کچھ حصہ بھی منجمند ہو گیا ہے۔
محکمہ کے مطابق درجہ حرارت میں کمی ہونے کے ساتھ ہی پوری وادی سخت ترین سردی کے لپیٹ آچکی ہے ۔ انہوں نے بتایا کہ وادی کے ساتھ ساتھ لداخ خطہ بھی شدےد سردی کی لپیٹ ہے ۔ترجمان کے مطابق جموں خطہ میں بھی درجہ حرارت میں کافی گراﺅٹ آئی ہے۔
جموں و کشمیر میں شدید سردی کی صورتحال جاری ہے جبکہ شوپیان ایک مرتبہ پھر وادی کشمیر میں سرد ترین علاقہ درج ہوا ۔ شبانہ درجہ حرارت کے بارے میں محکمہ موسمیات نے بتایا کہ سرینگر میں رات کے درجہ حرارت منفی 3.6 ڈگری سینٹی گریڈ ریکارڈ کی گئی۔سرینگر میں کم سے کم درجہ حرارت منفی 3.6 ڈگری سینٹی گریڈ ریکارڈ کیا گیا جہاں گزشتہ شب کا درجہ حرارت منفی 4.6 ڈگری سینٹی گریڈ ریکارڈ ہوا تھا۔
وادی کے شہرہ آفاق سیاحتی مقام گلمرگ میں کم سے کم درجہ حرارت منفی 4.8 ڈگری سینٹی گریڈ ریکارڈ کیا گیا ۔محکمہ موسمیات کے مطابق سیاحتی مقام پہلگام میں کم سے کم درجہ حرارت منفی 5.0 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی 4.9 ڈگری سینٹی گریڈ ریکارڈ ہوا تھاجبکہ کپوارہ میں کم سے کم درجہ حرارت منفی 4.3 ڈگری سینٹی گریڈ ریکارڈ کیا گیا انہوں نے کہا کہ قاضی گنڈ میں کم سے کم درجہ حرارت منفی 4.8 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی 5.2 ڈگری سینٹی گریڈ ریکارڈ ہوا تھا۔
اسی طرح سے پلوامہ، اننت ناگ اور کولگام اضلاع میں کم سے کم درجہ حرارت بالترتیب منفی 6.0 ڈگری سینٹی گریڈ، منفی 6.1 ڈگری سیںٹی گریڈ اور منفی4.9 ڈگری سینٹی گریڈ ریکارڈ ہوا ہے۔ دریں اثنا وادی میں چلہ کلان کے تیسری روز بھی خشک رہا ۔ادھر محکمہ موسمیات نے وادی کشمیر میں موسم میں کوئی تبدیلی نہ آنے کے امکانات ظاہر کرتے ہوئے اگلے 24گھنٹوں میں کچھ مقامات پر وقفے وقفے سے ہلکی سے درمیانی برفباری کا امکان ہے۔
ادھر شہر سرےنگر سمیت وادی بھر میں سخت ترےن ٹھنڈ جاری رہی اور دن کے وقت بھی لوگوں کو آنے جانے میں سخت پروں کا سامنا کرنا پڑتا ہے ۔
