امت نیوز ڈیسک //
سری نگر، 18 جنوری: سری نگر کے بادامی باغ چھاؤنی علاقے کے اندر آرمی کینٹین میں آگ لگنے سے ہریانہ کا ایک شہری اپنی جان سے ہاتھ دھو بیٹھا۔
ذرائع نے خبر رساں ایجنسی کشمیر نیوز ٹرسٹ کو بتایا کہ کینٹین جو کہ ایک شہری کے ذریعہ چلائی جارہی تھی، میں درمیانی رات آگ لگ گئی، جس کے نتیجے میں اندر ذخیرہ شدہ سامان کو نقصان پہنچا۔ واقعے کے دوران ہریانہ کا رہنے والا راجیش کمار شدید جھلس گیا۔ انہیں طبی امداد کے لیے فوری طور پر 92 بیس آرمی اسپتال منتقل کیا گیا۔ تاہم طبی عملے کی کوششوں کے باوجود وہ زخموں کی تاب نہ لاتے ہوئے چل بسا۔
حکام آگ لگنے کی وجوہات کی تحقیقات کر رہے ہیں جب کہ نقصان کی حد کا اندازہ لگایا جا رہا ہے۔
