امت نیوز ڈیسک //
بانڈی پورہ، 25 جنوری: بانڈی پورہ ضلع کے سونروانی علاقے میں ہفتہ کے روز بیکن ہیڈکوارٹر کے ایک کمرے میں آگ لگنے سے ایک خاتون کی موت ہو گئی جب کہ اس کا شوہر شدید طور پر جھلس گیا۔
ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ کمرے میں آگ لگ گئی جس میں جوڑا بری طرح زخمی ہوا۔
انہوں نے کہا، ’’جلد ہی آگ پر قابو پالیا گیا جبکہ جوڑے کو ضلع اسپتال بانڈی پورہ منتقل کیا گیا‘‘۔ انہوں نے مزید کہا کہ خاتون، جس کی شناخت انجانی دیوی (30) ساکن اتر پردیش کے طور پر کی گئی تھی، کو پہنچنے پر مردہ قرار دے دیا گیا، جب کہ اس کے شوہر پرمانند کی حالت تشویشناک ہے۔
انہوں نے یہ بھی بتایا کہ پولیس اور فائر ٹینڈرز کی مدد سے آگ پر قابو پالیا گیا۔ اہلکار نے مزید کہا کہ آگ لگنے کی وجہ کا ابھی تک پتہ نہیں چل سکا ہے، اور سیکشن 194 بی این ایس کے تحت کارروائی شروع کر دی گئی ہے۔
