امت نیوز ڈیسک //
نائب وزیر اعلیٰ سریندر کمار چودھری نے کہا کہ جموں و کشمیر میں عمر عبداللہ کی قیادت والی حکومت نے جو وعدے کئے ہیں وہ مرحلہ وار طریقے سے پورے کئے جائیں گے۔ انہوں نے مرکز کے زیر انتظام علاقے میں آئین کو مضبوط بنانے کے لیے عبداللہ خاندان کی بھی ستائش کی۔
بخشی اسٹیڈیم سری نگر میں یوم جمہوریہ کی اپنی تقریر میں نائب وزیر اعلیٰ نے کہا کہ عمر کی قیادت والی حکومت نے جو بھی وعدے کیے ہیں وہ ایک ایک کر کے پورے کیے جائیں گے۔ .تاہم، انہوں نے کہا کہ وزیر اعظم نریندر مودی اور دیگر لیڈروں نے ایوان میں ریاست کی بحالی اور لوگوں کے لیے زمینوں اور نوکریوں کے تحفظ کے حوالے سے جو وعدے کیے تھے۔
جموں و کشمیر میں آئین کو نافذ کرنے اور اسے مضبوط بنانے کے لیے شیخ محمد عبداللہ کی تعریف کرتے ہوئے انہوں نے نیوز ایجنسی – کشمیر نیوز آبزرور (کے این او) کے مطابق کہا کہ وزیر اعلیٰ عمر عبداللہ اپنے والد فاروق عبداللہ اور دادا شیخ عبداللہ کے راستے پر چل رہے ہیں۔
انہوں نے کہا کہ "حالیہ انتخابات میں بڑے پیمانے پر ووٹر ٹرن آؤٹ دیکھا گیا جس میں لوگوں نے بہت سے وعدوں کے بعد ہم پر اعتماد کیا۔ ہم ایک ایک کر کے ان تمام وعدوں کو پورا کرنے کے لیے پرعزم ہیں اور عمر عبداللہ کی قیادت میں حکومت تمام وعدوں کو پورا کرنے کے لیے دن رات کام کر رہی ہے،‘‘ انہوں نے اپنی تقریر میں کہا، راشن کوٹہ میں اضافہ، روزگار اور دیگر مسائل کو جلد یقینی بنایا جائے گا کیونکہ منتخب حکومت اس سلسلے میں 24×7 کام کر رہی ہے۔
