امت نیوز ڈیسک //
سری نگر، 11 فروری: بارہمولہ سے منتخب ہونے والے ممبر پارلیمنٹ انجینئر رشید آج (منگلوار) پہلی بار لوک سبھا کی کارروائی میں شریک ہوئے۔
نیوز ایجنسی – کشمیر نیوز آبزرور (کے این او) سے بات کرتے ہوئے، شیخ خورشید، ایم ایل اے لنگیٹ اور رشید کے چھوٹے بھائی نے کہا کہ انہوں نے اپنے انتخاب کے بعد پہلی بار لوک سبھا کی کارروائی میں شرکت کی۔
خورشید نے کہا کہ "انہیں کارروائی میں شرکت کے لیے آج صبح تہاڑ جیل سے حراست میں لایا گیا تھا،”۔
رشید،جو ایک کیس کے سلسلے میں 2019 سے زیر حراست ہیں، کو دہلی ہائی کورٹ نے پارلیمنٹ کے جاری بجٹ اجلاس میں شرکت کے لیے 2 دن کی حراستی پیرول دی تھی۔ اس کی ضمانت کی درخواست دائرہ اختیار کے مسائل کی وجہ سے معدوم ہے۔(کے این او )
