امت نیوز ڈیسک //
جموں، 17 فروری: جموں و کشمیر کے وزیر اعلیٰ عمر عبداللہ نے پیر کو کٹھوعہ ضلع کے ایک دور افتادہ گاؤں میں دو افراد کی پراسرار موت پر غم کا اظہار کیا اور کہا کہ انہوں نے متعلقہ افسران سے معاملے کی جانچ کرنے کو کہا ہے۔
45 سالہ روشن لال اور 37 سالہ شمشیر کی لاشیں اتوار کو بلاور کے گاؤں بتھیری میں ندی کے کنارے سے برآمد کی گئیں اور ابتدائی معلومات سے معلوم ہوا کہ متوفی کو گلا دبا کر قتل کیا گیا تھا۔
عبداللہ نے ایکس پر لکھا۔ "بلاور، کٹھوعہ میں دو افراد کی المناک موت سے گہرا غم۔ میرے خیالات اور دعائیں اس مشکل وقت میں ان کے اہل خانہ کے ساتھ ہیں۔ میرا دفتر مقامی ایم ایل اے کے ساتھ رابطے میں ہے اور متعلقہ افسران سے کہا گیا ہے کہ وہ ان اموات کی وجہ کی تحقیقات کریں،‘‘۔
بلاور پولیس اسٹیشن کے اسٹیشن ہاؤس آفیسر جتیندر سنگھ نے کہا کہ پولیس نے اس واقعہ میں قتل کا مقدمہ پہلے ہی درج کرلیا ہے اور مجرموں کو کیفرکردار تک پہنچانے کے لیے مزید تحقیقات جاری ہیں۔
انہوں نے کہا کہ اس کیس میں دہشت گردی کے زاویے سے انکار نہیں کیا جا سکتا۔ پچھلے سال کٹھوعہ کے کئی علاقوں بشمول بلور میں دہشت گردانہ سرگرمیوں کا مشاہدہ کیا گیا جس میں فوج کے گشت پر حملہ بھی ہوا جس میں پانچ فوجی مارے گئے۔
