امت نیوز ڈیسک //
نئی دہلی، ہندوستان نے بلوچستان میں ٹرین ہائی جیکنگ کے واقعہ کے حوالے سے پاکستان کے بیانات کو سختی سے مسترد کرتے ہوئے کہا ہے کہ پاکستان کو اپنی اندرونی ناکامیوں کا الزام دوسروں پر نہیں لگانا چاہیے۔
پاکستان کی جانب سے کیے گئے تبصروں پر میڈیا کے سوالات کا جواب دیتے ہوئے وزارت خارجہ کے ترجمان رندھیر جیسوال نے کہا کہ ’’ہم پاکستان کی جانب سے لگائے گئے بے بنیاد الزامات کو سختی سے مسترد کرتے ہیں۔ پوری دنیا جانتی ہے کہ عالمی دہشت گردی کا مرکز کہاں ہے۔ پاکستان کو اپنے اندرونی مسائل اور ناکامیوں کے لیے انگلیاں اٹھانے اور دوسروں پر الزام لگانے کے بجائے اپنے اندر جھانکنا چاہیے۔‘‘
پاکستانی رہنما پاکستان کے صوبہ بلوچستان میں بلوچ لبریشن آرمی کے ہاتھوں ٹرین کو ہائی جیک کرنے اور اس میں سوار پاکستانی فوجیوں کی ہلاکت کا الزام ہندوستان پر لگا رہے ہیں(یو این آئی)
