امت نیوز ڈیسک //
جموں، 15 مارچ: ضلع پونچھ کے سانگلہ چوک علاقے میں ہفتہ کو ایک سڑک حادثے میں چار خواتین سمیت کم از کم پانچ افراد زخمی ہو گئے۔
عہدیداروں نے جی این ایس کو بتایا کہ ایک ایکو گاڑی جس کا رجسٹریشن نمبر JK11E7782 تھا راجوری سے مینڈھر کی طرف جا رہا تھا کہ ڈرائیور گاڑی پر سے کنٹرول کھو بیٹھا جس کے نتیجے میں حادثہ پیش آیا۔
اس واقعے میں پانچ افراد زخمی ہوئے جنہیں علاج کے لیے ایس ڈی ایچ منتقل کیا گیا جہاں ڈاکٹروں نے ایک کو جدید علاج کے لیے جی ایم سی راجوری ریفر کر دیا۔
دریں اثنا، پولیس نے واقعے کا نوٹس لے لیا ہے۔(جی این ایس)
