امت نیوز ڈیسک //
جموں و کشمیر حکومت نے قانون ساز اسمبلی کو مطلع کیا کہ جموں و کشمیر کے یوٹی نے 18000 میگا واٹ کی پن بجلی کی صلاحیت کا تخمینہ لگایا ہے، جس میں سے 14867 میگا واٹ کی نشاندہی کی گئی ہے۔
سی این آئی کے مطابق ممبر اسمبلی عیدگاہ کے سوال کے تحریری جواب میں پاور ڈیولپمنٹ محکمہ کے انچارج وزیر عمر عبداللہ نے ایوان کو بتایا کہ جموں و کشمیر میں 14867 میگاواٹ پن بجلی کی نشاندہی کی گئی اور صرف 3540 میگاواٹ کا استعمال ہے ۔ انہوں نے کہا کہ وادی چناب میں 11283 میگاواٹ پن بجلی کی نشاندہی کی گئی ہے۔ جہلم طاس میں 3084 میگاواٹ اور راوی بیسن میں 500 میگاواٹ بجلی پیدا کی گئی ہے۔
خیال رہے کہ 14867 میگا واٹ ہائیڈرو پاور کے اپنے پانیوں سے گزرنے کے ساتھ جموں و کشمیر ہندوستان میں صاف توانائی کا پاور ہاو¿س بننے کی صلاحیت رکھتا ہے۔ پھر بھی، اس وسیع وعدے کے باوجود، آج تک صرف ایک حصہ یعنی 3,500 میگاواٹ کا استعمال کیا گیا ہے۔ اس میں سے 2250 میگا واٹ کا ایک اہم حصہ نیشنل ہائیڈرو الیکٹرک پاور کارپوریشن نے تیار کیا ہے۔حکومت نے قانون ساز اسمبلی کو مطلع کیا کہ جموں و کشمیر کے یوٹی نے 18000 میگا واٹ کی پن بجلی کی صلاحیت کا تخمینہ لگایا ہے، جس میں سے 14867 میگا واٹ کی نشاندہی کی گئی ہے۔
وزیر نے ایوان کو بتایا کہ ابھی تک صرف 3540.15 میگاواٹ بجلی حاصل کی گئی ہے۔ جن میں سے 2250 میگاواٹ سنٹرل سیکٹر میں، 1197. 4 میگاواٹ یو ٹی سیکٹر میں اور 92. 75 میگاواٹ انڈیپنڈنٹ پاور پروڈیوسرز آف موڈ میں استعمال کیے گئے ہیں۔انہوں نے کہا کہ جموں کشمیر 31 پاور پروجیکٹس میں سے این ایچ پی سی چھ پروجیکٹس کا انتظام کرتا ہے جبکہ جموں کشمیر سٹیٹ پاور ڈیولپمنٹ کارپوریشن 13 پروجیکٹس اور انڈیپنڈنٹ پاور پروڈیوسرس12 پروجیکٹس شامل ہے۔
