امت نیوز ڈیسک //
سری نگر، 26 مارچ: جموں و کشمیر حکومت نے بدھ کو چار مزید سرکاری ملازمین کو منشیات کے کاروبار میں ملوث ہونے پر برطرف کر دیا، حکام نے بتایا۔
عہدیداروں نے نیوز ایجنسی – کشمیر نیوز آبزرور (کے این او) کو بتایا کہ ملازمین میں عبدالرشید بٹ، گینگ قلی ، اریگیشن اینڈ فلڈ کنٹرول ڈویژن سنبل؛ دلباغ سنگھ، لائن مین، جل شکتی (پی ایچ ای) سب ڈویژن، ہیرا نگر؛گلزار احمد، اسسٹنٹ موٹر مین، ہائیڈرولک ڈویژن، رام بن؛ نور محمد شیخ گینگ قلی آبپاشی ڈویژن، ٹنگمرگ شامل ہیں ۔
انہوں نے کہا کہ تمام ملازمین کو ان کے متعلقہ علاقوں میں نارکوٹک ڈرگس اینڈ سائیکو ٹراپک سبسٹنس (این ڈی پی ایس) کیسز کے سلسلے میں ان کی سروس سے برطرف کر دیا گیا ہے۔
قبل ازیں حکومت نے گلزار احمد ڈار، جمعدار، آبپاشی ڈویژن شوپیاں کو ایف آئی آر نمبر 21/2023 کے تحت ایک مقدمہ کے سلسلے میں برطرف کر دیا تھا۔
