امت نیوز ڈیسک //
سری نگر کے سمپورہ علاقے میں سنیچر کی دیر رات ایک 16 سالہ لڑکا گاڑی کی زد میں آکر اپنی جان سے ہاتھ دھو بیٹھا۔
ایک اہلکار نے بتایا کہ ایک 16 سالہ اسکوٹی سوار، جس کا رجسٹریشن نمبر JK01BA-4312 ہے اور زعفران کالونی، پانتھہ چوک کا رہائشی، سری نگر کے سمپورہ میں گاڑی کی زد میں آکر شدید زخمی ہوگیا۔
انہوں نے بتایا کہ لڑکے کو فوری طور پر علاج کے لیے ایس ایم ایچ ایس اسپتال منتقل کیا گیا تاہم وہ اسپتال میں زخموں کی تاب نہ لاتے ہوئے چل بسا۔
اس کی شناخت فیضان احمد نندا (عمر 16سال) ولد محمد رفیق نندا ساکن غفران کالونی سری نگر کے طور پر ہوئی ہے۔
دریں اثنا، واقعے کا نوٹس لے لیا گیا ہے۔ (کے این او)
