امت نیوز ڈیسک //
سری نگر: شمالی کشمیر کے سوپور علاقے میں پولیس نے کالعدم تنظیم لشکرِ طیبہ سے وابستہ دو ہینڈلرز کی سات مرلہ اراضی کو ضبط کر لیا ہے۔
پولیس کے ایک ترجمان نے بتایا کہ بدھ کے روز سوپور پولیس نے بلال احمد میر ولد حمزہ میر اور محمد عمر میر ولد غلام حسن، ساکنان براتھ کلان، سوپور کی سات مرلہ غیر منقولہ اراضی کو ضبط کیا۔
انہوں نے کہا کہ مجاز اتھارٹی سے منظوری حاصل کرنے کے بعد، پولیس نے محکمہ مال کے اہلکاروں کے ہمراہ ضبطی کی کارروائی عمل میں لائی۔
