امت نیوز ڈیسک //
ہندواڑہ، 12 اپریل: ہندواڑہ کے وودھ پورہ علاقے میں ہفتہ کو گورنمنٹ ڈگری کالج (جی ڈی سی) ہندواڑہ کی کالج بس کے حادثے میں ایک طالبہ کی جان چلی گئی اور 14 دیگر زخمی ہوگئے۔
اطلاعات کے مطابق بس لولاب سے جی ڈی سی ہندواڑہ جا رہی تھی جب وودھ پورہ میں یہ حادثہ پیش آیا۔ حادثے کے نتیجے میں ایک طالبہ موقع پر ہی جاں بحق ہوگئی، جب کہ 14 افراد زخمی ہوئے جن میں سے تین کی حالت تشویشناک ہے۔
ہسپتال کے ایک سینئر اہلکار نے کہا، "ایک طالبہ کی موت ہو گئی ہے، تین شدید زخمی ہیں، اور 11 دیگر مختلف زخموں کی وجہ سے زیر علاج ہیں۔
تمام زخمی طالب علموں کو ہسپتال منتقل کر دیا گیا، جہاں ڈاکٹرز شدید زخمیوں کی حالت پر کڑی نظر رکھے ہوئے ہیں۔
ادھر ایک پولیس افسر نے واقعے کی تصدیق کرتے ہوئے کہا کہ حادثے کی وجہ جاننے کے لیے تحقیقات جاری ہیں۔ مزید اپ ڈیٹس کا انتظار ہے۔(کے این ایس)
