امت نیوز ڈیسک //
کپواڑہ، 27 اپریل: شمالی کشمیر کے کپواڑہ ضلع کے کنڈی خاص علاقے میں کل دیر رات نامعلوم بندوق برداروں کی گولی کا نشانہ بننے والا 43 سالہ شخص زخموں کی تاب نہ لاتے ہوئے چل بسا، حکام نے اتوار کو بتایا۔
ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ اس شخص کو کل رات اس کے گھر پر گولی مار دی گئی تھی اور جلد ہی اسے قریبی اسپتال منتقل کیا گیا تھا، جہاں سے اسے ایس ایم ایچ ایس سری نگر ریفر کیا گیا تھا۔
انہوں نے کہا کہ وہ ایس ایم ایچ ایس ہسپتال میں زخموں کی تاب نہ لاتے ہوئے چل بسا۔ انہوں نے کہا کہ طبی اور قانونی کارروائی کے بعد لاش ان کے اہل خانہ کے حوالے کر دی جائے گی۔
مہلوک کی شناخت 43 سالہ غلام رسول ماگرے ولد غلام حسن ماگرے ساکن کنڈی خاص کے طور پر ہوئی ہے۔
