امت نیوز ڈیسک //
جموں و کشمیر کے پہلگام میں22 اپریل کو حملے کے بعد آج (27 اپریل) وزیر اعظم نریندر مودی نے اپنے من کی بات پروگرام میں ایک بار پھر ملی ٹینسی کا مسئلہ اٹھایا۔ انہوں نے پہلگام کے متاثرہ خاندانوں کو انصاف کی یقین دہانی کرائی۔
پی ایم مودی نے کہا کہ ملی ٹینسی اور ان کے آقا چاہتے ہیں کہ کشمیر پھرسے تباہ ہوجائے اور اسی لیے انہوں نے اتنی بڑی سازش کو انجام دیا۔ ملی ٹینسی کے خلاف اس جنگ میں ملک کا اتحاد، 140 کروڑ ہندوستانیوں کی یکجہتی ہماری سب سے بڑی طاقت ہے۔” ان کا مزید کہنا تھا کہ ’سیاحوں کی تعداد میں ریکارڈ اضافہ ہوا، لوگوں کی آمدنی بڑھ رہی تھی، نوجوانوں کے لیے نئے مواقع پیدا ہو رہے تھے، ملک کے دشمنوں کو، جموں و کشمیر کے دشمنوں کو یہ پسند نہیں آیا‘۔
پی ایم مودی نے کہا، “چاہے وہ کسی بھی ریاست سے تعلق رکھتے ہوں، چاہے وہ کوئی بھی زبان بولتے ہوں، وہ ان لوگوں کا درد محسوس کر رہے ہیں، جنہوں نے اس حملے میں اپنے پیاروں کو کھو دیا ہے۔ 22 اپریل کو پہلگام کے واقعے نے ملک کے ہر شہری کو غمزدہ کر دیا ہے۔ ہر ہندوستانی کو متاثرہ خاندانوں سے گہری ہمدردی ہے۔”
پی ایم مودی نے کہا، “آج جب میں آپ سے اپنے دل سے بات کر رہا ہوں، تو میرے دل میں گہرا درد ہے۔ 22 اپریل کو پہلگام حملے نے ہر شہری کو غمزدہ کیا ہے۔ ہر کسی کو متاثرہ خاندانوں سے گہری ہمدردی ہے۔ میں سمجھتا ہوں کہ حملے کی تصویریں دیکھ کر ہر شہری غصے سے ابل رہا ہے۔”
