امت نیوز ڈیسک //
حیدرآباد : وزیر اعظم نریندر مودی آپریشن سندور کی مسلسل نگرانی کر رہے تھے، جس کے تحت بھارتی مسلح افواج نے پہلگام حملہ کا بدلہ لیا ہے۔
آپریش سندور کے تحت بھارتی فوج نے بدھ کی علی الصبح پاکستان اور پاکستان کے زیر قبضہ کشمیر میں کے 9 اہداف پر میزائل حملے کیے۔ ذرائع کے مطابق پاکستان پر کئے گئے مزائیل حملوں میں متعدد ہلاکتیں ہوئی ہیں۔
وزارت دفاع نے تصدیق کی کہ آپریشن کے دوران 9 مخصوص اہداف کو نشانہ بنایا گیا، جن میں بہاولپور میں جیش محمد کے ہیڈکوارٹر اور مریدکے میں لشکر طیبہ کا ٹھکانہ شامل ہیں۔
حکومتی ذرائع کے مطابق، وزیر اعظم نے ذاتی طور پر نئی دہلی میں براہ راست آپریشن میں پیش رفت کا جائزہ لیتے رہے اور نگرانی کررہے تھے۔ انہیں چیف آف ڈیفنس اسٹاف، سینئر انٹیلی جنس افسران اور قومی سلامتی کے مشیر اجیت ڈوول نے مسلسل بریفنگ دی۔ قبل ازیں وزیر اعظم اور آرمی، بحریہ اور فضائیہ کے سربراہوں کے درمیان مواصلات کے متعدد دور منعقد ہوئے، جو منگل کی شام سے شروع ہوئے اور بدھ کی صبح تک جاری رہے۔
