امت نیوز ڈیسک //
بارہمولہ : پی ڈی پی چیف محبوبہ مقتی نے آج شمالی کشمیر کے ضلع بارہمولہ کا دورہ کیا اور اس دوران جی ایم سی بارہمولہ میں زخمیوں سے ملاقات کی جو گزشتہ دنوں اوڑی میں پاکستانی گولہ باری سے متاثرہ ہوے تھے۔ انہوں نے کہا کہ جو سیز فائر ہوا ہے یہ کافی خوشی کی بات ہے۔
انہوں نے کہا جو گزشتہ دنوں میں اوڑی کے علاوہ دیگر مقامات پر جو نقصان ہوا ہے۔ اس سے غریب عوام کو کافی مشکلات کا سامنا کرنا پڑا۔ انہوں نے کہا کہ سرکار کو چاہیے کہ وہ ان کی بازیابی کے لئے اب فوری طور پر کام کرے۔ ہمارے زخمی ہسپتالوں میں پڑے ہیں۔ ہمارے خاندان پناہ گاہوں میں ہیں۔ ہمارے گھر ملبے کا ڈھیر بن گئے ہیں۔ یہی وجہ ہے کہ کشمیر امن کے لیے پکارتا ہے۔
جموں و کشمیر کی سابق وزیر اعلیٰ محبوبہ مفتی نے کشمیر میں جنگ اور تشدد کے خاتمے کا مطالبہ کیا ہے۔ اوڑی کے قریب لائن آف کنٹرول کے دورے سے اپنے تجربے کا اشتراک کرتے ہوئے، انہوں نے گھر بار چھوڑنے پر مجبور خاندانوں اور جاری کشیدگی کی وجہ سے ہونے والے گہرے درد کے بارے میں اپنے جذبات کا اظہار کیا۔ انہوں نے کہا کہ کشمیر کے لوگ جنگ نہیں امن چاہتے ہیں اور بچوں و خاندانوں کے مصائب کو نظر انداز نہیں کیا جانا چاہیے۔
واضح رہے کہ پہلگام حملہ کے بعد ہند ۔ پاک تعلقات انتہائی کشیدہ ہوگئے تھے تاہم اب دونوں ممالک جنگ بندی پر راضی ہوگئے ہیں، جس کے بعد جموں و کشمیر میں عوام نے راحت کی سانس لی ہے۔
